1. |
Personal Chiemsee Summer
06:47
|
|||
Personal Chiemsee Summer
T: P. Rosenegger + T. Wallner, M: P. Rosenegger
Mia zwoa alloa am Strand
de Sonn war scho fast unt'
staunend steh ma Hand in Hand
und da Himme werd ganz bunt
As Feier hod scho brennt
in meim Herz und auf de Stoa
mir ham uns erst oan Doog lang kennt
und i sing für di ganz alloa
S'is unser Personal Chiemsee Summer
a Festival nur für uns zwoa
unser Personal Chiemsee Summer
a riesen Party für uns alloa
Dann hob i dir mei Gschicht erzählt
du hearst ma zua und hoitst mei Hand
i schilder dir mei ganze Wäid
dei Blick verwascht de oide Schand
du nimmst mi so wia i bin
fühl mi wia neu geborn
i gspia dass i mit dir nur gwinn
Es is ois kaamat i grod hoam
In unser Personal Chiemsee Summer
a Festival nur für uns zwoa
unser Personal Chiemsee Summer
a riesen Party nur für uns zwoa
i leg mein Kopf nur in dein Schoß
und sig an Himme voller Stern
Du bist da Schlüssl für mei Schloss
mechst du net mei Prinzessin wern?
In unserm Personal …..
|
||||
2. |
Säitsamer Doog
02:55
|
|||
Säitsamer Doog
T: P. Rosenegger, M: P. Rosenegger + T. Wallner
A säitsamer Doog is des heit
aber deswegn umso scheena
boid hätts mi scho gar nimma gfreit
hätt nimma weidamacha kenna
es lafft anders ois wia geplant
und sojert mir doch gegnan Strich geh
mei Plan fahrt ma schnurstracks an d' Wand
und trotzdem iss so dass i net schwarz seh
es kimmt so a Ruah über mi
irgendwiea bin i heit zfriedn
da Stress duat mia nimma weh
er zerrinnt wia da oide Schnee
A säitsamer Doog is des heit
i säg olles net so verbissn
von Panik entfernt bin i weit
ois häns meine Schuidscheine olle zrissn
As Liacht kimmt ma heit so anders vor
D'Konkurrenz singt heid für mi im Chor
Meine Zweifen san so wos von kloa
Koa Mensch konn mia wos doa
a säitsamer Doog
|
||||
3. |
Wams oo
03:54
|
|||
Wams oo
T+M: P. Rosenegger + A.Hauser
Hod dei Schatz a koide Hand
und a vui zu dünnes Gwand
is dei Brotaufstrich fui z'hart
I soog oans bleibt da ned erspart...
Besteht dei Drink nur no aus Eis
Wead dei Windschutzscheim ganz weiß
stockt dei Diesel drinn im Wogn
loos da bloss des oane sogn
Wams oo wams oo oda liegt dir gor nix dro
Wams oo wams oo dua zua sonst reid's di no
Sann Beziehungen erstarrt
de Gummischleich ganz hart
is dei Honig kristallisiert
i rod da oans dass besser wird
Wams oo wams oo oda liegt dir gor nix dro
Wams oo wams oo dua zua sonst reid's di no
Da Globus steht nur im Regal
da Rest der Welt is dir egal
es is wos Koides in dir drinn
Loss d'Sonn nei - geh weida kimm
Wams oo wams oo oda liegt dir gor nix dro
Wams oo wams oo dua zua sonst reid's di no
|
Streaming and Download help
If you like Cajetan, you may also like:
Bandcamp Daily your guide to the world of Bandcamp